Aktori i dashur Matthew Perry, i cili u bë i njohur për publikun e gjerë me rolin e Chandler në serialin “Friends”, i cili mahniti miliona njerëz, dha frymën e fundit në orët e para të së dielës në xhakuzin e rezidencës së tij në Los Angeles.
Shumë aktorë të famshëm përfshirë Maggie Wheeler kanë shprehur ngushëllimet e tyre për humbjen e 54-vjeçarit, përmes llogarive të tyre në rrjetet sociale.
Aktori po merrej me probleme të shëndetit mendor pasi u diagnostikua me një çrregullim depresiv.
Policia gjeti ilaçe me recetë si antidepresantë dhe pilula kundër ankthit në shtëpinë e tij në kohën e vdekjes së tij – por jo droga të paligjshme, raporton Daily Mail.
Gjithashtu, një ilaç me recetë për sëmundjen pulmonare obstruktive kronike (COPD) u gjet në shtëpinë e tij në Los Anxhelos.
Matthew Perry ishte një duhanpirës që luftoi me varësinë ndaj alkoolit dhe opiateve për vite me radhë, por pretendoi se ishte i pastër pak para vdekjes së tij të papritur nga mbytja.
Sipas gazetës britanike, shkaku zyrtar i vdekjes ende nuk është bërë i ditur.